Ο Θυμίκας κι ο Πεκίρτς
Ο Θυμίκας έτον ασό Βρενεζλίν. Ο Πεκίρτς πα. Ο Θυμίκας αριστερόν ο Πεκίρτς με τον Καραμανλήν. Ακείνα τα χρόνια πολλά καυγάδας είχαμε σο χωρίον έμουν. Οι αριστεροί με τους δεξιούς αντάμαν σην πλατείαν επιάσκουνταν σα σέρια.
Ο Θυμίκας έτον πολλά ψιλίτικος, έτον κι έτον 1.5 μέτρον. Ο μαύρος ο Πεκίρτς έτον κοτσός και τσολάκς πα. Σην καυγάν απάν ο Θυμίκας, μω την πίστη'ς κρούει τον Πεκίρ. Λακτίζ ατόν, σαμαρέας ντενταλαπάν κλπ. Οι άλλ δεξιοί κι αριστεροί απόρεσαν. Εσταμάτησαν να κρούνε ο ένας τον άλλον και λέγνε σον Θυμίκαν.
Μω σε Θυμίκα, ντο φτάς? Αούτος κοτσός εν, τσολάκς εν, αούτον θα κρούς?
Θυμίκας: "Εγώ πα άλλον κι επορώ να κρούω, ατόν επορώ! ..."
1 comment:
Αφού κι επόρνε να κρούει άλλον, ντο να εποίνε;
Θα λέγω σε εγώ πα έναν ιστορίαν ας εμόν το χωρίον.
Ο Πάντζον έτον όπβς και ο Θυμίκας τ' εσέτερον, ατόσον περίπου, ενάμς μέτρον απάν αφκά.
Ίναν ημέραν, πάει σον Αλέκο τον ζαντόν, ντο έτον οχτώ κιφάλαι ψηλός, και λέει ατον:
"ταβίεις μετ' εμέν;"
"Ταβίζω" λέει ο Αλέκον
Και ο Πάντζο πα λέει: "Φτού σου ανεντροπίαστε, με τ' εμέν ρε πάς να βάλτς ατα; κι εντρέπεσαι ξάϊ;"
Post a Comment